El Sogno (Marco Pescante)

by Marco Pescante

3 XVIII. El Sogno
Madrigale Saggio di poesie veneziane Poesie amorose XVII. El Primo Amore XIX. La Freve Marco Pescante 1835 XIX

madrigali

Marco Pescante ―  Saggio di poesie veneziane  ―  Poesie amorose

XVIII. El Sogno
Madrigale

1835

Edission original:	Marco Pescante, Saggio di poesie veneziane, Venezia, dalla tipografia di Luigi Plet, 1835
Fonte:	Indice:Saggio di poesie veneziane.djvu

←  XVII. El Primo Amore

Edission e fonte ▼

XIX. La Freve  →

EL SOGNO

Madrigale

XVIII.

Oh che sogno ridicolo!
Dormiva, e me pareva
D'essere deventà picolo picolo;
Un putin de cinque ani, vale a dir,
5Essere mi credeva:
E cussì nel dormir
Me sembrava scherzar co ti, Nineta...
(Che palpiti inocenti!
Che insoliti contenti, — o mia dileta!)

10Persuadendome alora nel mio cuor
Che sia i putei più fortunai in amor,
Mi ringraziava el cielo
D'esser cussì putelo,
D'esser cussì picin,
15Vedendome da Nina cocolà...
Ma questo è stà el malano,
Che alfin me so svegià,
E invece d'un Putin,
Me so trovà un Putòn de trenta un ano.