El baso

by Eugenio Barison

4 El baso Eugenio Barison XX Soneti triestin

Indice:Trieste vernacola.djvu

Eugenio Barison

El baso

XX secolo

Edission original:	Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920
Fonte:	Indice:Trieste vernacola.djvu

Edission e fonte ▼

EL BASO.

Cossa xe 'l baso? El baso xe una s'cioca¹
Fata de quatro labri che se toca!
Ora 'l xe dolze, tènaro, amoroso,
Ora fredo, ora caldo e delizioso!

Xe l'anima che va de boca a boca,
Che sora i labri se ga sempre un poca.
Xe un momento d'union, caro e gustoso,
Xe 'l pegno de l'amor de sposa e sposo!

Se basa i fioi² co' l'umide bochine,
Se basa i veci, i giovini, i sposai,
Se basa i puti cole signorine,

Se basa i siori e fin i disperai,
E ala fontana po' le soldadine³
Le se struca e sbasucia⁴ coi soldai.

---

Note

1. una s'cioca, uno schiocco, il rumore proprio del bacio
2. i fioi, i fanciulli
3. le soldadine, le amanti dei soldati
4. le se struca e sbasucia, si abbracciano e si baciucchiano.