El caraguol
|
Edission original: |
Luigi Bampo, Miscellanea o trentacinque cose per trentacinque soldi, Treviso, Francesco Andreola, 1828 |
|
Fonte: |
Indice:Bampo - Miscellanea o trentacinque cose per trentacinque soldi, Treviso, Andreola, 1828.pdf |
| ← Calembourg francese | Edission e fonte ▼ | Il tresette al buio → |
IX.
El caraguol.
********
Vicin a un'isoleta un bastimento
Se gera un dì fermà
Per provedar de l'acqua;
E, da paura che sufiasse el vento,
Prima de andar a tera i marineri
A un sasso l'avea ben assicurà,
Che spontava dal mar longo impontio.
Fata la provisión i torna a lio;
Ma, oh caso singolar!
Scampà xe 'l bastimento
El sasso ghe va drio. —
El sasso ghe va drio?
Questa sì xe una cossa che ghe pol;
Ma el stupor xe cessà, co i se n'à acorto
Che, grando sì, ma 'l gera un caraguol.