El crolo del Campanil de San Marco
|
Edission original: |
Maria Pezzè Pascolato, Versi Veneziani, Milano, 1928 |
|
Fonte: |
| Edission e fonte ▼ | Mal e ben → |
.jpg)
Tropo vechio; no ghe ne posso più.
El mondo xe ogni zorno più bislaco...
Che miseria a vardarlo da qua su!
5Lassème andar: no vogio altri taconi;
Lassème andar: no vogio, no, pontei.
De guarirme oramai no se’ più boni:
Tireve in là, tireve in là, putei!
Lassème riposar, che go dirito.
10Xe mile ani che son qua impiantà
Come una spada de giustizia drito,
Come un pensier che drito in alto va:
Mile ani che chiamo a la preghiera,
Che pianzo i morti e canto le vitorie;
15Mile ani che unisso cielo e tera
E che me glorio de le vostre glorie.
Xe tanto che ve sveglio, e che al lavoro
Ve mando, e sfido i fulmini per vu;
Che sporzo al cielo el mio anzolo d’oro
20Per quela fede che no gavè più.
Ancuo de mi cossa gaveu bisogno?
Chi xe che a l’ombra ancuo vol mai restar?
Son mi, più tosto, mi l’ombra de un sogno:
Più de quel che sogno gogio da durar?
25Ghe lasso a la mia Chiesa el mio tesoro.
(Anzolo mio, contentite cussì...)
El xe usà a star in cielo, anzolo d’oro —
Missier San Marco, rancurilo ti! 2
Go durà mile ani — mile ani —
30Venezia, vechia mia, no te lagnar.
In là, fioi, che no vogio far malani,
Pax tibi Marce, a l’ora de cascar.
Me sento in tera, a la mia Chiesa in fazza,
Me calo zo pian pian... Ohi! Cossa xe?
35Un sbrego? Che i Re veda un poco in piazza
Xe ben, peraltro. Se ho falà, scusè.3
Dei altri dani? El vostro loto, bravi,4
E la Logeta... Ah, no so cossa far...
Co i magistrati se chiamava Savi,
40Se usava i zogadori castigar.
Son tropo vecchio, e el mondo tropo novo:
La mia Trottiera5 xe restada indrio.
Co vualtri moderni no me trovo...
Lassème andar... Missier San Marco, a Dio!
.jpg)
- Note
- ↑ 14 luglio 1902.
- ↑ L’angelo d’oro della cuspide è andato a cadere dinanzi la porta maggiore della Basilica rimanendo quasi intatto.
- ↑ Il Campanile aperse, cadendo, una breccia nel fianco del Palazzo Reale.
- ↑ Sino alla caduta del Campanile si estraevano i numeri del lotto nella Loggetta del Sansovino.
- ↑ Trottiera è il nome d'una delle campane di S. Marco, quella che suonava a Magistrato: sino al secolo XV, quando i Senatori e i Procuratori la udivano, mettevano al trotto le cavalcature per la Merceria.