El granzo e la sepa
|
Edission original: |
Raccolta di poesie in dialetto veneziano d'ogni secolo nuovamente ordinata ed accresciuta, Volume unico, a cura de Bartolommeo Gamba, Venezia, G. Cecchini, 1845 |
|
Fonte: |
| Edission e fonte ▼ |
Ghe gera sucesso a un granzo de trovar
Su la spiagia del mar
Una sepa butada
Da l'onda che la spiagia avea lassada,
5E metendo una zata sale drezze
Cussì da granzo senza far carezze,
Sepa, el gà dito, in lengua submarina:
Ti gà le zate che le par puina:
E la sepa, sentindo una durezza,
10La xe fata de fero sta to drezza.
El granzo inzatava,
La sepa indrezzava,
Ognuno pensava
Col so natural.
15El granzo granzisa,
La sepa sepiza,
El frate fratiza,
La dona doniza,
El zentilomo zentilomeniza,
20Lodoli sentenzioso à dito un dì,
No me ricordo più dove, nè a chi.