El lasagnon
|
Edission original: |
Giglio Padovan, Rime in dialetto veneto di Polifemo Acca, Trieste, Appolonio & Caprin, 1875 |
|
Fonte: |
| ← La mima selerata | Edission e fonte ▼ | El moliner poltron → |
EL LASAGNON
(A UN CREDITOR)
Beati i oci che se ga incontrà!....
Paron mio benedeto! Come vala?
La me conta, la diga: cossa fala
Che più no se la vede in società?
E siora Menegheta come stala?
I so fioleti? Quanti la ghe n’à?
So fiastro Momi s’alo maridà?
Montelo sempre quela so cavala?
A proposito.... (bestia buzarona),
Devo torghe un paleheto al principal;
Xe mezozorno tanto che no 'l sona.
Se ghe torno a man vode el me bastona.
La reverisso in furia, sior Pasqual....
I mii doveri eo la so parona.
— E facendo un profondo complimento,
Co i so ciceri ciaceri sto sior
El lassa a boca averta el creditor.