El medico (Giovanni Battista Bada)

by Giovanni Battista Bada

3 El medico Giovanni Battista Bada XIX Poesie

Indice:Raccolta di poesie in dialetto veneziano 1845.djvu

Giovanni Battista Bada

El medico

XIX secolo

Edission original:	Raccolta di poesie in dialetto veneziano d'ogni secolo nuovamente ordinata ed accresciuta, Volume unico, a cura de Bartolommeo Gamba, Venezia, G. Cecchini, 1845
Fonte:	Indice:Raccolta di poesie in dialetto veneziano 1845.djvu

Edission e fonte ▼

EL MEDICO.

Se trovava in Bassan
     Un omo morbinoso e cortesan
     Che aveva el naso estremamente grando,
     Che a quanti lo vedea
     5Maravegia grandissima el facea.
Un dì, che caminando
     L'andava per cità
     Un dotor l'à incontrà
     A caval d'una mula, che fermada
     10In mezzo de la strada
     No volea caminar
     Per quanto che 'l dotor tentasse far.
     Onde, cussì scherzando,
     Ga dito el morbinoso (recordandose
     15De aver el naso grando)
     Seu vu, dotor, o xe la mula, a caso,
     Che se fazza paura del mio naso?
El dotor gera anch'elo
     De bizzaro cervelo,
     20E risposto imediate el ga cussì:
     Credo infati esser mi
     Quelo che s'à ispaurio,
     Che me sento un prurito in tel da drio.
          L'omo che vol scherzar
          25Anca lu deve el scherzo tolerar.