El mio can, el mio gato, el mio ponaro

by Jacopo Vincenzo Foscarini

3 El mio can, el mio gato, el mio ponaro Jacopo Vincenzo Foscarini XIX soneti

Indice:Raccolta di poesie in dialetto veneziano 1845.djvu

Jacopo Vincenzo Foscarini

El mio can, el mio gato, el mio ponaro

XIX secolo

Edission original:	Raccolta di poesie in dialetto veneziano d'ogni secolo nuovamente ordinata ed accresciuta, Volume unico, a cura de Bartolommeo Gamba, Venezia, G. Cecchini, 1845
Fonte:	Indice:Raccolta di poesie in dialetto veneziano 1845.djvu

Edission e fonte ▼

El mio can, el mio gato, el mio ponaro,
     I mii ritrati, la mia libraria,
     I mii scriti in vernacola poesia,
     4De la vita me fa dolce l'amaro.

De amici un grumo assae me tegno caro,
     Che vien spesso a trovarme a casa mia,
     Che mi trato a la bona, e in cortesia
     8Tanto se i ga la spada, che el tabaro.

Cussì da sempio, come che i me crede,
     Passo i mii zorni sempre alegramente
     11Da cristian mantegnindo la mia fede,

E qualche rara volta fra la zente
     Vestio da festa, o in arme, se me vede
     14A rider dei sapienti, e a no dir gnente.