El parlator stentà

by Giglio Padovan

4 El parlator stentà Giglio Padovan XIX Soneti triestin

Indice:Trieste vernacola.djvu

Giglio Padovan

El parlator stentà

XIX secolo

Edission original:	Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920
Fonte:	Indice:Trieste vernacola.djvu

Edission e fonte ▼

EL PARLATOR STENTÀ.

Natura m'à ficà soto el palato
Un muscolo che stento articolar,
E se vojo mandarve a far squartar
4Devo meterme in man d'un avocato:

Sie mesi¹ prima dunque de parlar
In ton de consilier e deputato,
Devo adatarme a far el garzonato
8Co i sassi in boca predicando al mar.

E no ga miga torto quei signori
Che dandome un'ociada de pietà
11Mormora sotovose fra de lori:

Se vedi a muso che no 'l xe un macaco,²
Anzi el xe un pozzo de talento; ma
14Ghe vol un'ora a tirar su el stagnaco!³

Dialetto triestino.

---

Note

1. Sie mesi, sei mesi.
2. macaco, sciocco, stupido.
3. stagnaco, secchia.