El pianoforte
|
Edission original: |
Berto Barbarani, I due canzonieri, Verona, P. Apollonio, 1917 |
|
Fonte: |
| ← El ritrato | Edission e fonte ▼ | L'invito → |
EL PIANOFORTE.
L'èto mai visto un pianoforte, Nina?
L'è un afar, che se sona co le mane,
el g'à le corde come le campane
ma par sonarlo ghe vol testa fina!
El par tuto el casson1 che gh'è in cusina:
l'è alto un metro, largo un par de spane;
quando i lo toca ben, vien le scalmane
e col çervel se va, che se camina...
Par davanti vien fora un pontesel,
un de quei pontesei sensa ranghiera,
co le pierete messe zo a penel...
Gh'è do tre piere bianche e po' una nera,
come i to oci, se te guardi in çiel,
come i to oci, se te guardi in tera!
- Note
- ↑ casson: madia.