El pitor

by Giglio Padovan

4 El pitor Giglio Padovan XIX Soneti triestin

Indice:Trieste vernacola.djvu

Giglio Padovan

El pitor

XIX secolo

Edission original:	Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920
Fonte:	Indice:Trieste vernacola.djvu

Edission e fonte ▼

EL PITOR.

Corpo de bio,¹ no so più cossa far
Per finir el ritrato de sto morto;
I parenti vien qua per suo diporto:²
Nissun sa gnente e tuti vol parlar.

Dopo tre mesi che i me fa sudar,
Chi lo voria più rosso e chi più smorto;
Chi el naso assai più drito e chi più storto:
Toca, ritoca e torna a sbagazzar.³

Ma la classica xe che sti batoci⁴
Se meti tra de lori a contrastar,
Fintanamai⁵ sora el color dei oci;

Chi lo vol blù, chi negro e del più forte...
Mo via, che no i se staghi a riscaldar:
Ghe li farò, magari, uno per sorte.

Dialetto triestino.

---

Note

1. Corpo de bio, per non dire Corpo di Dio.
2. per suo diporto, per proprio divertimento.
3. sbagazzar, cancellare.
4. batoci, battagli; qui in senso figurativo, sciocchi.
5. fintanamai: perfino. Il dizionario triestino del Kosovitz registra: fintanamai: già (?). Ma questa spiegazione non mi sembra esatta. Certo è che questo vocabolo o va sparendo od è oramai scomparso dal moderno dialetto triestino. I giovani non l'adoperano più.