El profito de l'amor

by Anton Maria Lamberti

3 El profito de l'amor Anton Maria Lamberti XVIII Poesie

Indice:Raccolta di poesie in dialetto veneziano 1845.djvu

Anton Maria Lamberti

El profito de l'amor

XVIII secolo

Edission original:	Raccolta di poesie in dialetto veneziano d'ogni secolo nuovamente ordinata ed accresciuta, Volume unico, a cura de Bartolommeo Gamba, Venezia, G. Cecchini, 1845
Fonte:	Indice:Raccolta di poesie in dialetto veneziano 1845.djvu

Edission e fonte ▼

EL PROFITO DE L'AMOR.

Dopo tanto navegar,
     Dopo tanto travagiar,
     In quel mar,
     Che va tanti a naufragar,
     5Grazie al cielo ò tirà in tera
     Grasso in ton de bona ciera.
     No go bele, no go brute,
     No go done, no go pute,
     No go amanti,
          10Nè galanti,
          Nè fiozzete,
          O pupilete,
          Nè siorete,
          O comarete.
     15Dei gran trafeghi che ò fato
     No me resta gnente afato,
     So ridoto povareto
     Da comprarme el mio fasseto
     Per scaldarme,
     20E consolarme
     Sul giudizio che ò salvà,
     Su la vita, che ò campà.
     Eco quelo, amici cari,
     Che in sti mari,
     25Quando pur la vada ben,
     Eco quelo che se otien.