El retratto e la impresa è bona e bella
|
Edission original: |
Maffio Venier. Canzoni e sonetti. |
|
Fonte: |
| ← Sonetto XXI. Ohimè! cuor mio, me son pur partì via | Edission e fonte ▼ | Sonetto XXIII. Haver mare cattiva e pare avaro → |
El retratto e la impresa è bona e bella,
L'un, perché el te somègia in questo brutto,
L'altro, che in le puttane Amor fa tutto
Per amor, co fa el fuogo in la facella.
Che l'arde solamente quanto che ella
Dal motto e dal scorlar riceve agiuto,
Così chi vuol da vaca haver construtto
Diè strapazzarla in questa parte e in quella.
Mi trovo in tel retratto un solo error,
Che è de importantia assae tanto pi quanto
No 'l puol gnianche conzar el depentor.
Ch'el tempo è, se no pi, do volte tanto,
Pur ghe è via de salvarlo, e con so honor
De dir che l'è stampà l'altro anno santo.