El sbragion

by Giglio Padovan

4 El sbragion Giglio Padovan XIX Soneti triestin

Indice:Trieste vernacola.djvu

Giglio Padovan

El sbragion

XIX secolo

Edission original:	Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920
Fonte:	Indice:Trieste vernacola.djvu

Edission e fonte ▼

EL SBRAGION.¹

Su che i te mazza, toco de frascona,²
Ghe ne vol tanto a darme una candela?
Diese volte ò sonà la campanela;
Vustu, cagna da Dio, che me spolmona?

Dove xelo quel bieco³ de fanela
Che m'à scalda gersera la parona?
La camisa de note dove xela?
Mòvete, via, petazza buscarona!⁴

Xe un'ora che te ciamo e che t'aspeto,
Xe un'ora che me sbrego de criar:⁵
No sastu, sporca, che go mal de peto?

Guai se me salta, sa, la mosca al naso...
Ma xe Pasqua, e me devo confessar:
Per questo ingioto,⁶ compatisso... e taso!

Dialetto istriano.

---

Note

1. el sbragìon (da sbragiar, sbraitare, urlare), sbraitone.
2. toco de frascona, pezzo di vanitosa.
3. bieco, toppa, pezzuola.
4. petazza buscarona, pettegola sfacciata.
5. me sbrego de criar, mi spacco, mi lacero a furia di gridare.
6. ingioto, inghiottisco.