El sistematico

by Giglio Padovan

4 El sistematico Giglio Padovan XIX Soneti triestin

Indice:Trieste vernacola.djvu

Giglio Padovan

El sistematico

XIX secolo

Edission original:	Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920
Fonte:	Indice:Trieste vernacola.djvu

Edission e fonte ▼

EL SISTEMATICO.

Dignitoso, pulito, compassà
E delicato come una doneta,
No vogio roba che no sia perfeta
4E conto quanti risi go magnà.

Vado in ufizio co la mia fiacheta;
Fin l'ultimo minuto resto là;
Come un specio xe lustro el mio mezà,^[1]
8E senza pieghe xe la mia giacheta.

Co fazzo el mio zireto a l'Aquedoto,
Scometaria che un bovolo^[2] me ciapa;
11Se vado in biraria, me porto el goto.^[3]

Son prudente, pacifico, bigoto;
Ma preferisso el fulmine del papa
14A una macia de seo^[4] sora el capoto.

Dialetto istriano.

---

Note

1. mezà, studio, ufficio. Vocabolo venezianissimo.
2. bòvolo, lumaca.
3. goto, bicchiere.
4. seo, sego.