EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
[p. 69 modifica]
EL SPENDACION


     Sparagnar! E per chi? Mo cara ela
No la me vegna fora co ste fote:
Ficarò nel pagion le banconote
Per farghe tuto el dì la sentinela?
     Sparagnar! Questa sì che la xe bela!
Ve capita la schizza1 e bona note:
Che le braghe sia nove o le sia rote,
Vogia o no vogia za vignimo a quela.
     E po: gala mai visto el funeral
D'un milioner da tuti maledio?
Gran festa in piazza e catafalco in domo;
     Invece per chi mor a l’ospeal:
Un zoto avanti e quatro babe drio:
Xe più de quelo che ghe basta a un omo.



Note
  1. La Morte.
Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=El_spendacion_(1875)&oldid=71213"