El sventadon (1875)
|
Edission original: |
Giglio Padovan, Rime in dialetto veneto di Polifemo Acca, Trieste, Appolonio & Caprin, 1875 |
|
Fonte: |
| ← El sistematico | Edission e fonte ▼ | El petegolon → |
EL SVENTADON
Quelo che d’una mosca fa un cavalo,
E magna e beve e parla a strangolon,
Che distinguer no sa bianco da zalo
E vol ficarse in tute le quistion;
Quelo che salta da la frasca al palo,
D'ogni storia facendo un zavagion,
Ch'ora ve spenze, ora ve pesta un calo
E ciga sempre e ga sempre rason:
Che cerCa i soldi co 'l li ga in scarsela,
E puza i guanti sora 'l fogoler,
O va impizaar la pipa a la mastela,
Come xe vero 'l vin de sto bicier
El lassarà un bel zorno la borela
Fra ’l petene e ‘l bruschin del so barbier.