El teatro giazzera
|
Edission original: |
Trieste vernacola, Antologia della poesia dialettale triestina, a cura de Giulio Piazza, Milano, Casa Editrice Risorgimento R. Caddeo & C., 1920 |
|
Fonte: |
| Edission e fonte ▼ |
Chi vol tacar la cassa dei polmoni,
Ciapar la ponta[1] e star a leto un mese,
Vegna qua drento senza el plett inglese,
Senza intrighi de siarpe e pelizzoni.
Quando supia[2] la bora in sto paese,
Co l'orchestra s'accorda i finestroni;
Ciniselli e Ghiliòm co i so staloni
Pol passar drento e fora per le sfese.[3]
Quando in platea se bàgola[4] o camina,
Canta le tole[5] soto alegramente;
In galaria se bala la monfrina.
Tolève un palco e se nel buso arente
Se move qualchedun, tuto scantina:[6]
Se rompe una tiraca?[7] — se la sente.
Dialetto istriano. — El teatro giazzera, cioè il teatro-ghiacciaia, era l'antico anfiteatro Mauroner, che fu distrutto da un incendio, nell'anno 1876. Esso sorgeva sull'area attualmente occupata dal teatro Fenice, in via Cesare Battisti (già via Stadion)
- Note