El vostro dir: Torné, caro ben mio

by Maffio Venier

3 El vostro dir: Torné, caro ben mio (Sonetto XIX) Canzoni e sonetti Sonetto XVIII. Mo se se chiama Dio l'eterno amor Sonetto XX. Madonna, alla natura che vu havé Maffio Venier XVI

soneti

Maffio Venier ―  Canzoni e sonetti

El vostro dir: Torné, caro ben mio (Sonetto XIX)

XVI secolo

Edission original:	Maffio Venier. Canzoni e sonetti. A cura di Attilio Carminati, Manlio Cortelazzo, Tiziana Agostini Nordio Venezia, Corbo e Fiore, 1993
Fonte:	http://www.bibliotecaitaliana.it/testo/bibit001236

←  Sonetto XVIII. Mo se se chiama Dio l'eterno amor

Edission e fonte ▼

Sonetto XX. Madonna, alla natura che vu havé  →

El vostro dir: Torné, caro ben mio,
Più de tre dì me ha fato vegnir là,
Ma el vederve d'ogni hora accompagnà
Con un sporco Bettin, si me ha chiarìo.

Mo no savevi dirme, puol far Dio:
No me vegnir, che no te vògio in ca',
Che immediate tollerà combià,
Lassando che a sta foza ghe dè drio.

Mo vegnir al balcon, e dirme pian:
Stà un altro puoco, che l'anderà via,
No te partir, ti xe pur un gran can,

Madonna Cattarina, anema mia,
Ha causado che con le mie man
Me passerò sta tanta frenesia.

E cusì, fia mia,
Ve darò quel contento che bramé
A no metterve in ca' passo, né pe'.

E se desideré
De volerme mo ancora far l'amor,
Meneve pur la potta a mio saor.