El zarlatan (Giovanni Battista Bada)

by Giovanni Battista Bada

3 El zarlatan Giovanni Battista Bada XIX Soneti

Indice:Raccolta di poesie in dialetto veneziano 1845.djvu

Giovanni Battista Bada

El zarlatan

XIX secolo

Edission original:	Raccolta di poesie in dialetto veneziano d'ogni secolo nuovamente ordinata ed accresciuta, Volume unico, a cura de Bartolommeo Gamba, Venezia, G. Cecchini, 1845
Fonte:	Indice:Raccolta di poesie in dialetto veneziano 1845.djvu

Edission e fonte ▼

EL ZARLATAN.

Ghe gera un zarlatan che nel contar
     Istorie dei so viagi avea el difeto,
     De falope grandissime sbarar,
     4Che gnanca no se trova in Riciardeto;

L'à pensà de volerse moderar,
     Ordinando al so servo per sto ogeto,
     Che quando el lo sentisse a esagerar
     8Ghe tirasse el gaban; onde in efeto

Disendo un dì d'aver trovà un lion
     Che gaveva una coa longa tre mia,
     11El servitor ga dà presto un tiron;

E lu à calà d'un mio, e andando via
     Un tirando, un calando, in conclusion,
     14Che l'era senza coa ghe sovegnia.
                    Sto tiron ghe voria,
     Amigo, anca per vu quando parlè,
     17Perchè altro mai che slape no contè.