El zogo de fragna
|
Edission original: |
Giuseppe Coletti, Poesie postume in vernacolo veneziano, Venezia, Gattinoni, 1889 |
|
Fonte: |
Indice:Coletti - Poesie postume in vernacolo veneziano, Venezia, Gattinoni, 1889.pdf |
| ← Una Famegia de pitochi | Edission e fonte ▼ | Un ragazzo ridicolo per el so vestito → |
.jpg)
(Il disegno di E. Bosa raffigura quattro fanciulli del popolo occupati nel givoco puerile e triviale detto zogar a fragna, o a le buse. Esso consiste nel dirigere mediante lo scatto del pollice sull'indice, e ajutandola col soffio, una pallottola di creta in taluna delle buche fatte in terra, e disposte in giro a poca distanza, che sono più o meno prezzate, tranne una che non vince, siccome la più facile ad entrarvi, e che è detta la busa de l'infio. Uno spazzino (volg. scoazzer) colla corba carica sulle spalle, tratta di bocca la corta pipa, sta osservando con interesse i giocatori).
Se zoga a fragna
Co una baleta;
Chi va in buseta
Guadagnerà.
Mi lo descrivo
Sto bel zogheto,
Ma el fa più efeto
Rapresentà.
Quatro baroni
(Nè i fala a muso);
Uno va suso,
Tre ga zogà:
Questo che teme,
Quelo che spera;
E xe la tera
Tola e sofà.
Tofolo in mezo
Ga un can adosso,
Ma no l'è scosso
Da l'atenzion
El muso duro,
Le man al fianco,
El par un banco
De faraon.
Momolo basso
Puzà i zenochi,
El tira i ochi
Da spirità.
Gh'è arente Toni
Senza speranza,
Che su la panza
Xe stravacà.
Piero che zoga
Resta in zenochio,
Fermo co l'ochio
E co la man;
La bala in busa
Col fià acompagna,
E da la fragna
No l'è lontan.
Cencio Chiozzotto,
Che in quelo passa
Varda e stralassa
Fin de fumar.
Tanto interessa
Quela baleta,
Che là in buseta
Sta per entrar.
Forse la bala
De la rolina,
Che a la rovina
Tanti à mandà;
No ga prodoto
Fra i zogadori
Più baticuori
De questo qua.
.jpg)