Fa el pezzo che ti sa per mio despetto

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Fa el pezzo che ti sa per mio despetto (Sonetto XIV)
XVI secolo

 Edission original:   

Maffio Venier. Canzoni e sonetti.
A cura di Attilio Carminati, Manlio Cortelazzo, Tiziana Agostini Nordio
Venezia, Corbo e Fiore, 1993

 Fonte:

http://www.bibliotecaitaliana.it/testo/bibit001236

←  Sonetto XIII. Co ti fa profession de no voler Edission e fonte ▼ Sonetto XV. Dal nascer tutti ha el cancaro che i magna  →

Fa el pezzo che ti sa per mio despetto
Che te ne incago, Amor, s'ti nol vuol far,
Che son mo tanto uso a sopportar
Che no ho resto de honor per un marchetto.

Che pezzo posso io haver, che veder schietto
Che custìa no dà fede al mio stentar,
Con tutto che se nome el lagremar
Fa parer che la notte pisa in letto?

E se spesso me mostro de altro humor,
Doverìa ben saver ch'e' me dà morte,
Che rido in vista e lagremo co 'l cuor.

Ma ella, che è in sto humor tenace e forte,
Crede amazzarme, e no me dà dolor.
Che vegna la giandusa alla mia sorte!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Fa_el_pezzo_che_ti_sa_per_mio_despetto&oldid=41703"