Fradei, de quante donne ho mai sentùe

EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto.
Fradei, de quante donne ho mai sentùe (Sonetto LIX)
XVI secolo

 Edission original:   

Maffio Venier. Canzoni e sonetti.
A cura di Attilio Carminati, Manlio Cortelazzo, Tiziana Agostini Nordio
Venezia, Corbo e Fiore, 1993

 Fonte:

http://www.bibliotecaitaliana.it/testo/bibit001236

←  Sonetto LVIII. Se tutte quelle volte che ve vien Edission e fonte ▼ Sonetto LX. Ohimè! Com'è possibil che se faga  →

Fradei, de quante donne ho mai sentùe
Che s'habbia fatto ben sbatter la lana,
Nessuna è stata cusì, Dio, mo sana,
Chiavà tanto co questa in diese mue.

Mi, de quante ghe n'ho mai cognossue,
No ho mai cognossù la pi puttana,
El metter quelle in fin de Carampana,
Quelle che ha fame pi d'esser fottue.

Se ghe nassesse in cao de tutti quei
Che l'ha chiavà, per cadaun un corno,
L'havarave pi corni che cavei.

O se andasse svolando cazzi attorno,
Co' se vede a svolar cusì dei osei,
S'oselarave tutto quanto el zorno.

Sempre ghè pan in forno.
D'hora in hora custìa vuol ch'i la fotta,
Che la no ha tempo de sugar la potta.

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=Fradei,_de_quante_donne_ho_mai_sentùe&oldid=41718"