Franza e Vatican
|
Edission original: | |
|
Fonte: |
Indice:Luigi Cappello - Dai rovinassi del campanil, 1905.pdf |
| ← El Congresso Comico | Edission e fonte ▼ | La pase universal → |
Franza e Vatican
Dise Sti maldicenti da Cafè
che 'l Papa la ga rota co la Franza,
o la Franza co Lu, parchè abastanza
nol sa parlar ne scrivar an franzè.
Oh lengue salmistrae che no savè
dove pescar dei granzi! Oh petulanza
de zente che un pocheta de creanza
no sa cossa che sia. Gnochi, scoltè:
Come voleu che, de la Cesa el Re,
un Papa, un venezian del mio Sestier
parlar no sapia come 'l caso vol,
se fin i barcariol al forestier:
Monsiù, i ghe dise, volè vu 'l gondiol
che andon de remengon par canalè?