Furbarie

by Attilio Turco

3 Furbarie Sonetti Veronesi Sonetti Veronesi/Parte II - Me morosa I so penini Gnanca l'Adese! Attilio Turco 1924 XX Soneti veronese

Indice:Attilio Turco - Sonetti Veronesi.djvu

Attilio Turco ―  Sonetti Veronesi  ― Parte II - Me morosa

Furbarie

1924

Edission original:	Attilio Turco, Sonetti Veronesi, Verona, Tipografia Operaia, 1924
Fonte:	Indice:Attilio Turco - Sonetti Veronesi.djvu

←  I so penini

Edission e fonte ▼

Gnanca l'Adese!  →

FURBARIE!

Quando vago a catar la me morosa
     E la trovo posada a la cardensa,
     Co l'aria de mistero, pensierosa
     Ghe vao pian pian de drio, fin che la pensa,

E, ciac! ghe molo in tera qualche cosa...
     O Dio!... che s-guisso!¹ varda che imprudensa.
     E-i scherzi questi? E la deventa rosa
     E giala, come i brocoli² in semensa!

Ma mi la buto in ridar... se sentemo
     Su do careghe a rente a batolar,
     Sora la colassion, sora el disnar;

Po’ zughemo a tri-sete... ma zughemo
     Sensa vèdar le spade, ne’ le cope...
     E intanto no se strenze mai le strope!³

---

Note

1. sguisso - spavento;
2. brocoli - cavoli fiori;
3. strenzemo le strope - non si parla di matrimonio.