Genova al gran Bonfadio rompiculo

by Giorgio Baffo

3 Genova al gran Bonfadio rompiculo Raccolta universale delle opere di Giorgio Baffo Tomo IV Quando lezo sul nuovo Testamento Come, che v'hò promesso, o Doria mìo Giorgio Baffo 1789 XVIII Poesie

Indice:Raccolta universale delle opere di Giorgio Baffo 4.djvu

Giorgio Baffo ―  Raccolta universale delle opere di Giorgio Baffo  ―  Tomo IV

Genova al gran Bonfadio rompiculo

1789

Edission original:	Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789
Fonte:	Indice:Raccolta universale delle opere di Giorgio Baffo 4.djvu

←  Quando lezo sul nuovo Testamento

Edission e fonte ▼

Come, che v'hò promesso, o Doria mìo  →

PER LA MORTE DEL BONFADIO.

SONETTO

Genova al gran Bonfadio rompiculo,
    E all'istanza de tanti intercessori,
    Perchè no gastu perdonà i so errori,
    4Se pur xe error a metterlo in tel Culo?

Donca, perchè 'l s'hà tiolto sto trastulo,
    Ch'anca se lo sà tior dei Senatori,
    E tanti Gardenali, e Imperatori,
    8Cosa xelo 'l Bonfadio, xelo un mulo?

Oh Genovesi razze buzarone,
    Ch'un Omo cussì grande avè brusà,
    11Che hà fatto tanto ben alle persone!

Lù prima coi so studj 'l v'hà illustrà,
    E pò 'l v'hà sparagnà le vostre Done;
    14E vù de sta monea l'ave pagà.

                        Almanco, come và,
Zà, che de lù cussì v'avè desfato,
    17L'avesse buzarà tutto 'l Senato.