Geri a Samarco un frate predicava

by Attilio Sarfatti

3 IX. Geri a Samarco un frate predicava Rime veneziane Libro Primo VIII. Tornarà, tornarà la primavera X. In pope, in pope! avanti, barcarol! Attilio Sarfatti 1892 XIX

poesie

Attilio Sarfatti ―  Rime veneziane  ―  Libro Primo

IX. Geri a Samarco un frate predicava

1892

Edission original:	Attilio Sarfatti, Le Rime Veneziane e Il Minuetto, Milano, Fratelli Treves Editori, 1892
Fonte:	Indice:Le Rime Veneziane e Il Minuetto.djvu

←  VIII. Tornarà, tornarà la primavera

Edission e fonte ▼

X. In pope, in pope! avanti, barcarol!  →

IX.

Geri a Samarco un frate predicava
Contro i morosi e contro la passion,
E mi - senza badarghe a quel mincion -
Davanti a la madona te adorava.

E me recordo che viçin de ela
Ti geri ti la vergine più bela.

E che tuta la zente, omeni e done,
Vardava de più ti che le madone.