Ghe giera un ruffian solo in sta Città
Ghe giera un ruffian solo in sta Città
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Ruffiani buzaradi, che sè andai | Edission e fonte ▼ | In tel profondo Oceano della Potta → |
PER L'ARRESTO D'UN RUFFIAN.
SONETTO
Ghe giera un ruffian solo in sta Città
Ancora per miracolo de Dio,
Un poverazzo, secco, e desconìo,
4Misero avvanzo dell'antichità.
Ello solo saveva, dove stà
Tutte quante le Donne da partìo;
I hà tiolto sù anca questo, sì per Dìo!
8Cosa, che veramente fà pietà.
Mi no posso capir sinceramente,
Come sia tollerà le buzarone,
11E pò i ruffiani no se vuol per gnente!
Co no se vuol sta razza de persone,
Questo xe un voler dir tacitamente,
14Che se fazza chiavar le Zentildone.