Giustificazione del Poeta
|
Edission original: |
Collezione delle migliori opere scritte in dialetto veneziano, Volume decimo: Poesie satiriche di Angelo Maria Labia, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 10.djvu |
| Edission e fonte ▼ |
Ghe gera un gran poeta in sta cità
Che d’altro mai nol s’à sentìo a cantar
Che de cosse da far scandalisar
4In sin l’omo più roto e relassà.
E (quel ch’è pezo) tra le oscenità
Che ’l capricio brutal sol inventar
El ghe soleva spesso framischiar
8Quel che più in Religion xe venerà;
Epur tuti i lodava, e tuti drio
I ghe coreva come tanti mati,
11Nè nessun contro lu gnanca à citio.
E perchè mi me move (e pur i è fati!)
Me move Patria, Religion e Dio,
14Tuti vol dir? no me ne so dar pati.