Groppo moresco, zanforgna, lumaga
|
1557
|
|
Edission original: |
Andrea Calmo, Le bizzarre, faconde, et ingeniose rime pescatorie, Nelle quali si contengono Sonetti, Stanze, Capitoli, Madrigali, Epitafij, Disperate, e Canzoni. Et il Commento di due Sonetti del Petrarca, in antiqua materna lingua, In Vinegia, appresso Iseppo Foresto, 1557 |
|
Fonte: |
| ← Parabosco mio bello, inzucarao | Edission e fonte ▼ | Vegno de notte al scuro in baotao → |
Groppo moresco, zanforgna, lumaga,
Nassuo d'un lampo, e nudrigao e fumo,
Babuin revoltao tutto in tun grumo,
Manego de viola, e d'una daga.
Caragolo che vien dal mar de baga,
Mona in galoce, ranocchio legumo,
Folpo, vecchio marin, si ben te sumo,
Denti de striga, naso d'una maga.
Zeffo da mustazzoni, e pie in tel culo,
Si te branco fantasma poetessa,
Te insegnerò a componer da bulo.
Va impara l'A,B,C; fio de una vessa,
Recchie de porco, mustazzo de mulo,
Sbotega, vetuperio, margutessa,
Inzenerao impressa.
Pedante da mosoni, grua in pantofoli,
Ch'el te sta ben ch'ogn'un te dia di mocoli.