Hò letto la risposta, ch'i hà fatto alla mia Critica
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← Della tal qual Sentenza, che xe nata | Edission e fonte ▼ | Qui giace un uom della Natura amante → |
Hò letto la risposta, ch'i hà fatto alla mia Critica,
Dove, che la mia Musa se chiama razza stitica;
Che i diga quel, ch'i vuol, la sia cattiva, o bona,
Me basta, che la piasa a qualsesìa persona;
5La mia a bon conto hà dà gusto, e solazzo,
La soa per quel, che sento, no xe stimada un Cazzo;
Ma quando, che la mia rispetto avea al Goldoni,
Che bisogno ghe giera de seccar più i cogioni?
S'halo volesto tior sto gusto d'appellar,
10Acciò, che mi lo manda a farse buzarar?
Se de sta bella cosa l'avesse volontà,
Che'l fazza pur el conto, che mi l'abbia mandà.
Zà questo xe un poeta, el qual se crede intorno
Aver tutto'l Parnasso, e mi nol stimo un corno;
15Perchè un Omo, co'l scrive, ma senza rifflession,
O che nol xe prudente, oppur, che'l xe cogion.
Che nol l'avesse fatta no pagherave un pelo,
Perchè sò, che dell'Aseno l'ose no và in Cielo,
Anzi ve digo schietto, amigo, e no v'adulo,
20Da sta sorte de lengue liccar me fazzo 'l Culo.