Hò toccà tanti Culi, e tante Mone
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo IV, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 4.djvu |
| ← Amici tutti, che passè per strada | Edission e fonte ▼ | Per aver scritto mi certe Poesìe → |
Hò toccà tanti Culi, e tante Mone
De Muneghe, de putte, e de ragazzi,
Hò fatto, posso dir, dei gran strapazzi
4Co Donne maridae, e buzarone;
Da drìo, davanti in quelle so Cossone
Hò sborà tanto, e fatti tanti sguazzi,
Che ghe ziogo, per Dìo, che diese Cazzi
8No hà chiavà, come 'l mio, tante persone
Al mio gusto gà piasso dei busoni,
Mone grande, voi dir, perchè là drento
11Se ficcava col Cazzo anca i cogioni.
La xe 'na baronada, un gran tormento,
Quando l'Osello chiava, a piccoloni,
Ch'i testicoli staga in quel momento.
15Mi cussì no la sento,
Che quando gò trovà le Mone strette
Hò sborazzà piuttosto in te le tette.
18Ste care bardassette
No me piase, el vuol esser un gran buso,
Perchè tutto l'Osello vaga suso.
21Dise el Padre Bonmuso,
Che per far, che de gusto el cazzo spanda,
Xe necessaria una Monazza granda.