Ho cercao sempre de star solitario
Ho cercao sempre de star solitario
|
1557
|
| ← Chi non sa, che mi vivo per manzar? | Edission e fonte ▼ | E tremo tutto, col me vien a mente → |
Ho cercao sempre de star solitario,
Che fexe san Francesco, e sant'Antonio;
Ma la sorte m'ha dao per matremonio
Tutte le cosse, che me xe in contrario.
Che si dovesse ben star col Demonio,
Senza compagni, sempre mai zavario,
E re vera, ho trovao sul Calendario,
Ch'ogni instrumento vuol un testimonio.
La societae, e la bona amicitia,
Si ziova pur assae, cho la xe simplice,
E no ribalda, piena de tristicia.
Oime, che no ghe ze si no zenzania,
Fraude, belle parole, e solfarelli;
Onde sento al mio cuor, una gran smania.