I Voti

by Maffio Venier

3 I Voti Maffio Venier XVI Soneti Indice:Poeti antichi del dialetto veneziano 2.djvu Altra edizion: O cielo, e me inzenocchio e mando fuora (1993)

Maffio Venier

I Voti

XVI secolo

Edission original:	Poeti antichi del dialetto veneziano, Volume II: Poesie di Maffeo Veniero arcivescovo di Corfù e di altri, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Poeti antichi del dialetto veneziano 2.djvu

Edission e fonte ▼

Altra edizion: O cielo, e me inzenocchio e mando fuora (1993)

I VOTI

Oh Cielo! e m'inzenochio e mando fuora
     Quei preghi più eficaci che mai posso;
     Se fussi mai da nissun prego mosso
     Fè caneveta un dì la mia Signora!

Che s'altra Dona mai più m'inamora
     No me possa levar la sè da dosso!
     Se ghe vegnisse ben la goba o 'l gosso
     La me sarà una Venere, un'Aurora!

Del resto, o Amor, se ben ti t'armi in cielo,
     E che 'l farme sogeto sia 'l to fin,
     Te ne indormo se ti me storzi un pelo:

Che i lazzi, l'arco, i strali d'oro fin,
     I ingani, el poder, la fiama, el zelo,
     I paro tuti co un bocal de vin.