EPUB   MOBI   PDF   RTF   TXT
Qualità del testo: sto testo el xe conpleto, ma el gà ancora da vegner rileto. No xe stà indicà l'edission cartacea da cui vien el testo.

 Edission original:   

nissuna edission indicà

 Fonte:

http://www.italianfolkmusic.com/dogobeti.html

Edission e fonte ▼

Una sera, do boti de note,
do gobeti se dava le bote,
do gobeti se dava le bote,
se ste siti ve digo el parchè.

Uno el gera el famoso Matia,
l'altro el Bepi, el fabrica inciostro,
che imbriago de sgnapa, 'sto mostro,
l'insultava l'amigo fedel.

L'un l'a dito: "Valà te si gobo!"
l'altro, alora, ga dà 'na risposta:
"se son gobo, ti no te si drito,
su la schena te ghè un montesel!"

I s'à dito parole da ciodi,
i s'à dato careghe sul muso,
po i ze andai a finire in chel buso
che se beve un bicer de quel bon!

Traesto fora da Wikipèdia - L'ençiclopedia łìbara e cołaboradiva in łéngua Vèneta "https://vec.wikisource.org/w/index.php?title=I_do_gobeti&oldid=41822"