I miracoli de amor
|
Edission original: |
Umberto Foà, Nuove rime veneziane di guerra e di pace, Firenze, Libreria Internazionale, 1917 |
|
Fonte: |
| ← El veglion | Edission e fonte ▼ | La bela e i regali → |
Per amor son deventà
tal modelo de virtù
che, per dir la verità,
4no me riconosso più.
Una volta stavo a tola
à peu près come un vilan,
ma strapazza, tira e mola,
8m'ò ridoto un cortesan.
Una volta a çerta zente
ghe voleva dir la mia,
desso inveçe son prudente,
12un campion de cortesia.
Un fià storto caminava,
drito inveçe vado adesso,
i vestiti strapassava,
16ancùo inveçe li soprèsso.1
Sti miracoli ga fato
solamente in pochi mesi,
co bravura e con gran tato
20chi? Ma ela, semo intesi.
Ela che per la natura,
per talento e per passion,
l'è un modelo, in miniatura,
24de la bona educazion.
E la xe tanto brilante
nel cambiar el so Romeo
che la rende interessante
28anca el vecio Galateo!
- Note a cura de l'autor
- ↑ Stiro.