I politicanti
|
Edission original: |
Giglio Padovan, Rime in dialetto veneto di Polifemo Acca, Trieste, Appolonio & Caprin, 1875 |
|
Fonte: |
| ← L'Omo | Edission e fonte ▼ | La birba → |
I POLITICANTI
A vèderli, a sentirli radegar,1
Andando in aria, sti politicanti,
Chi no li crede Orazj e Sagripanti
Che per la gloria se faria squartar?
Varè co quanto inzegno i sa formar
I batagioni per cazzarli avanti;
Con che giudizio i sa condurve i fanti
Soto i canoni o farli ritirar!
Ministri e sacerdoti de la fufa,2
Al fogoler no i se avicina mai
Che per vardar se bogie la pignata.
Quando i governi vol catar barufa,
Che i meta su un milion de sti soldai:
Ziogo la testa che la pase è fata.
- Note