Il Milione/038
|
Edission original: |
Il Milione veneto : ms. CM 211 della Biblioteca civica di Padova, |
|
Fonte: |
http://www.classicitaliani.it/duecento/Polo_Milione_01.htm |
| ← CAPITOLO XXXVII | Edission e fonte ▼ | CAPITOLO XXXIX → |
- De Sanmarchan, dove è el miracolo della colona.
Sanmarcan è una zità grandisima e bella.
In quella zità abita cristiani e saraini; et è sotoposti al nievo del Grande Chaan, ma nonn è ben amixi, ma stano ala fiata mal insieme.
In questa zità <incontrà> una chotal meraveglia.
El nonn è anchor gran tenpo che un fradel del Gran Chaan, che aveva nome Chagatai, se fè’ cristiano, et era signior de quella zità e de molte altre.
E i cristiani de Sanmarchan, quando el signior fo fato cristian, ave grande alegreza e fèno in la zità una grande chiexia a onor de misier san Zuane Batista.
La chiexia era fata per cotal maniera che una colona de marmoro, che era in mezo della chiexia, sostegniva tuto el choverto.
Soto quella colona fu messo un grande marmoro per pillastro, lo qual iera stato de’ saraini della zità; e gli saraini non osavano dir niente, perché el signior era molto favorevole ai cristiani.
E i saraini dixeano che i voleva a ogni muodo la piera soa, la qual sostenìa la cholona della giexia de’ cristiani.
E li cristiani li proferseno grande avere aziò che i la conzedesse.
Ma i saraini, voiando che lla chiexia se guastasse, disse che i non volea nì oro nì arzento, se non sollamente la soa piera.
E tanto fexe <i> saraini che ’l figiol de Zigatai, lo qual aveva la signioria, comandò a’ cristiani che de lì a diexe dì la piera fusse renduda.
Li cristiani ave gran dolore e non sapeva chome i se doveseno far, azò che ’l cholmo della giexia non chazesse.
E quando vene el termene che aveva dado, la cholona, per volontà de Dio, se levò de sula piera ben quatro spane e non tochava de soto niente e stava ferma chomo ella feva dinanzi; e anchora sta chussì, senza che altra cossa la sostegnia.