Il Procuratore Tron
|
Edission original: |
Collezione delle migliori opere scritte in dialetto veneziano, Volume decimo: Poesie satiriche di Angelo Maria Labia, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 10.djvu |
| Edission e fonte ▼ |
De tuto quelo che da poco in qua
Se sente nei Pregadi a decretar
Sora el Comercio, sora el Militar,
4Sul Decimà e sul Redecimà,
Se l’Arsenal, su la Università,
Su le Man-morte, e su d’ogni altro afar,
O interno o esterno, sia de tera o mar,
8Con grave intaco de la Libertà;
No gh’è altra causa fisica o moral,
No politica, no legislazion,
11No penuria de ben, timor de mal,
No massima de Stato, o Religion,
Ma causa d’ogni efeto micidial
14No xe se no: Cussì comanda el Tron.