Il vero regalo (1817)
|
Edission original: |
Collezione delle migliori opere scritte in dialetto veneziano, Volume duodecimo: Poesie di autori diversi, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 12.djvu |
| Edission e fonte ▼ |
La puina smalzada del Pastor,
Tagio de lai sutilo del Becher,
El figà in ponto del Luganegher,
4Se i regalasse e ghe vedesse el cuor,
I stimo più dei doni del signor,
Anca ch'el ve donasse el so deser;
Che la deventa paga del mistier
8Co 'l ve tiol per virtuoso o per dotor.
Al regalo no xe la qualità,
Xe la maniera, l'ocasion, el fin,
11L'animo grando che prezzo ghe dà.
Quatro vovi che dona un Contadin
Assae più val (co' no l'è interessà)
14De un anelo de qualche Palatin.