In frà i mestieri della vita umana
In frà i mestieri della vita umana
|
1789
|
|
Edission original: |
Giorgio Baffo, Raccolta universale delle opere di Giorgio Baffo veneto, Tomo II, Cosmopoli, 1789 |
|
Fonte: |
Indice:Raccolta universale delle opere di Giorgio Baffo 2.djvu |
| ← Ve prego, sior Piovan, per carità | Edission e fonte ▼ | El puttanesmo, quel mestier sì belo → |
EL PIÙ BEL MESTIER DEL MONDO.
SONETTO
In frà i mestieri della vita umana,
E no credo de dir un'eresia,
El più bello me par, che no ghe sìa,
4D'una Donna, che fazza la puttana.
Ogni zorno la solita campana
D'averzerghe la porta a chi se sìa,
Sentir de tanti, e tanti la pazzìa,
8De chi sirocco vuol, chi tramontana.
Praticar tutti senza suggizion,
Tiorlo drento da questo, e pò da quello,
11E co xe sera aver pien el borson.
Dove al Mondo ghe xe gusto più bello?
Far bezzi, e aver el gusto buzaron
14De tiorlo in Mona, e de menar l'Osello.