In gondola (Idilio lagunar)
|
Edission original: |
Adolfo Gerani, Poesie veneziane, Venezia, C. Ferrari, 1903 |
|
Fonte: |
Indice:Gerani - Poesie veneziane, Venezia, Ferrari, 1903.pdf |
| ← La frutarola e 'l forestier | Edission e fonte ▼ | Al Malibran → |
A l'amigo A. Della Colletta, pitor.
Stufi de andar su e zo per la Piazzeta
Come do merli in-t'una cheba orbai,
'Na sera che tirava quel'arieta
Che tira sempre per i 'namorai,
Ghe digo a la mia tosa: «Ciò, Marieta.
Vusto che andèmo a vèdar i cocai
Fora in Laguna, a far 'na ziradina?»
— Si, andèmo pur.» La dise. E mi: ― «Camina!»
Sie franchi in gondoleta, i xe ben spesi.
Un barcariol, de quei de San Nicola...
Che 'l ne gaveva tolto per françesi,
El ne ziga: ― «Monsiù, voleu gondòla?»
Mi, che lontan no so 'de sti paesi,
Che gò risposto in venezian: — «Ciò, mola
Per Sant'Andrea, e se ti me servi ben,
Ghe sarà per el musso pagia e fien.»
Un ocio e mezo, (el gera finco), in viso
El me fica per dirme: ― «Venezian?
― «No; (ghe rispondo), mi, so' de Treviso...»
― «E mi che lo credeva padovan...
Me so' sbaglià.» ― «Ben, senti ciò: te aviso
De far vogae longhe, e de andar pian
Ne le voltae, che no ciapemo scosse,
Perchè la mia mu...ger, la gà la tosse.»
― «Gò capio, gò capìo...» Ciapando el remo
Lu me risponde, e la barcheta va...
Mi e la putela intanto se postemo
Soto el felze de seda ricamà.
A Sant'Elena subito voltemo
Lassando indrio Sa' Marco e la Çità;
Cussì semo in-t'un atimo arivai
In mezo a la Laguna... ― «Eco, i cocai!»
Galegiando a fior d'acqua ghe mostrava
I gò, i bisati e qualche passarin;
E, ogni volta che 'l remo sc'iafizava
L'aqua, ghe dava in boca un bel basin.
(El barcariol sentiva, ma lu el fava
Finta de no sentir... Co omo divin!)
E intanto che sul cuor la me strenzeva:
― «Caro el mio cocolon!» La me diseva.
O mia Laguna, bela come el çielo!
Dove se pol trovar la so compagna?
― «Vu altri no savè cossa sia el belo!»
(Me diseva un poeta de campagna),
«No gavè gnanca un fior, gnanca un ozelo,
Nè un campo, un fiume, o un prà, nè una montagna,
Nè alberi, o vache; ma solo aqua e pesse,
Che sie ore la cala e sie la cresse!»
― «Lassemo andar (ghè gò risposto) i monti,
I campi, i fiumi e st'altre robe là,
Che nu' gavemo çinquecento Ponti
E per andar su e zozo i basta, sa?...
Inquanto al resto po' che ti me conti,
Osei e vache ghe ne xe anca quà;
Ma in mezo ai campi, ai vostri fiori e al verde
De le bisse ghe xe, e po' de le m...
...Ciò Marietina: Sastu che de boto
Sto venteselo me gà fato fame?
Tira fora quel pan che xe in fagoto
Che mi in fete farò sto bel salame.»
― «Eco la bozza.» ― «Tira fora el goto.»
― «Ecolo.» ― «Brava. Quei do vovi dame.»
― «Eheeee, quanta roba!» Chi vol goder goda:
Tanto per no basarse a panza voda!
Ciò, magna sa?» ― «No sta pensar che magno.»
― «Bevi, che dopo, gà da bever lu:
Ciapa, ciò Nane.» ― «Tuto xe guadagno!»
― «Se sta ben coi... françesi?» ― «Ovì, Monsiù!»
― «(Vustu che dopo andemo a far un bagno?»
― «(Anca!)» ― «Zo bevi.» «No, no no bevo più...
Co caldo, Bepi; come che se sùa!»
― «Lèvete el busto...» ― «Se so squasi nùa!...»
― «Varda la luna che vien su da le onde,
Specio d'arzento che se specia el sol,
La par 'na tosa nùa che la se sconde
Nuando, e farse vèdar no la vol;
Eco, col çielo za la se confonde...
Marieta vien... (va pian, ciò, barcariol)!
E intanto che la gondola ninava
Senti sto bogia cossa che 'l cantava:
― «Mostra il bel petto le sue nevi ignude
«Onde il fuoco d'amor si nutre e desta;
«Parte appar de le mamme acerbe e crude,
«Parte altrui ne ricopre invida vesta:
«Invida, ma s'agli occhi il varco chiude
«L'amoroso pensier là no s'arresta,
«Che non ben pago di bellezza esterna
«Negli occulti segreti anco s'interna.
«Come per acque o per cristallo intero
«Trapassa il raggio, e nol divide o parte;
«Per entro il chiuso manto osa il pensiero
«Si penetrar ne la vietata parte.»
― (Bepi, el ne vede!» ― «Mata, no xe vero:
Gastu paura stupida, a spogiarte)?»
― «.. Poscia al desio le narra e le descrive,
«E ne fa le sue brame in lui più vive.
«Rideva insiem, e insiem ella arrossia;
«Ed era nel rossor più bello il viso,
«E nel viso il rossor che le copria
«Insino al mento il delicato viso...»
― «(Sì che 'l ne vede!...» ― «Stupida, va via!
El canta el Tasso; senti mo)!» ― «...conquiso:
«O fortunati peregrin, cui lice
«Giunger in questa sede alma e felice!
«Questo è il porto del mondo; e qui il ristoro
«Delle sue noie e quel piacer si sente
«Che già sentì nei secoli dell'oro
«L'antica e senza fren libera gente.»
― «(E propio quà vegniva el Buçintoro
El zorno de la Sensa risplendente,
E 'l Dose co l'anelo per sposar
In segno de sotomission el mar).
O Venezia, Venezia, da parona
'Na serva deventada! Indove xela
La to veste ducal? Ti geri dona
E adesso no ti xe che 'na putela...
Ma, se tolto i te gà quela corona
St'altra te resta che te fa più bela,
Tra le çita del Mondo, bela e rara,
Come ti, Marietina dolce e cara)!»
― «... O giovinetti, mentre aprile e maggio
«V'ammantan di fiorite e verdi spoglie,
«Di gloria e di virtù fallace raggio,
«Le tenerelle membra ah, non v'invoglie!
«Solo chi segue ciò che piace è saggio,
«E in sua stagion degli anni il frutto coglie...»
― «Gàstu sentio, Maria? dunque godemo!
(Canta, che i grançi no te magna el remo)...»
― «Folli, perchè gettate il caro dono
«Che lieve è si di vostra età novella?
«Nomi e senza soggetto idoli sono
«Ciò che pregio e valore il mondo appella;
«La fama che invaghisce in dolce suono
«Voi superbi mortali, e par sì bella,
«È un'eco, un sogno, anzi del sogno un'ombra
«Ch'ad ogni vento si dilegua e sgombra.
«Goda il corpo sicuro, e in lieti oggetti
«L'alma tranquilla appaghi i sensi frali:
«Obblii le noie andate, e non affretti
«Le sue miserie in aspettando i mali.
«Nulla curi se il ciel tuoni o saetti;
«Minacci egli a sua voglia e infiammi strali,
«Questo è saver, questa è felice vita:
«Sì l'insegua natura, e sì l'addita.
«E dolce campo di battaglia il letto
«Fiavi, e l'erbetta morbida dei prati.»
― «(Qua erba no ghe ne xe.)» «... e il regale aspetto
«Di lei che quì fa servi i suoi beati;»
― «(Andemo zo)!» ― «...nel bel numero eletto
«Di quei ch'alle sue gioie ha destinati.»
― « (Speta che tira suso la coltrina,
Che tira un venteselo de marina)!»
― «Deh, mira,» ― (Senti, ciò):» ― «... spuntar la rosa
«Dal verde suo modesta e verginella,
«Che mezza aperta ancor e mezza ascosa
«Quanto si mostra men tanto è più bella.
«Ecco poi nudo il sen già baldanzosa
«Si spiega; ecco poi langue, e non par quella;
«Quella non par che desïata avanti
«Fu da mille donzelle e mille amanti.»
― «(Ah, co gusto, Maria, mio dolce amor!
Bever el miel da la to bela boca...
Peto con peto streti, e cuor con cuor,
Mentre che i corpi e le amene se toca...
E i basi longhi, longhi, i dà un brusor
Che move el sangue, e uno drio l'altro i s'cioca;
Co gusto, Marietina, ah, co piacer!
Vogio morir)... Zo, canta, gondolier.»
― «...Così trapassa al trapassar d'un giorno
«Della vita mortale il fiore e 'l verde;
«Nè, perchè faccia indietro april ritorno
«Si rinfiora ella più nè si rinverde.
«Cogliam la rosa in sul mattin adorno
«Di questo dì che tosto il seren perde;
«Cogliam d'amor la rosa, amiamo or quando
«Amar si puote riamati amando.»
— «O, bravooo! E adesso impissa el to faral
Che no i ne fazza la contravenzion;
E tornemo a Venezia.» - «(Manco mal,
Se no ciapava 'na costipazion)...»
Eco Venezia, e 'l Palazzo Ducal,
El Ponte dei Sospiri, e le... Preson;
Ecomi ancora quà su la Piazzeta
Tacà a brasseto de la mia Marieta.