In morte d'un Cagnoletto

by Maffio Venier

3 In morte d'un Cagnoletto Maffio Venier XVI Soneti Indice:Poeti antichi del dialetto veneziano 2.djvu Altra edizion: Un povero anemal, una bestiola (1993)

Maffio Venier

In morte d'un Cagnoletto

XVI secolo

Edission original:	Poeti antichi del dialetto veneziano, Volume II: Poesie di Maffeo Veniero arcivescovo di Corfù e di altri, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Poeti antichi del dialetto veneziano 2.djvu

Edission e fonte ▼

Altra edizion: Un povero anemal, una bestiola (1993)

IN MORTE D'UN CAGNOLETTO

Ah povero animal, cara bestiola,
     Mi no gavea altro ben che nel to' aspeto,
     Morte t'à tiolto afin che per dispeto
     Drio de ti me impicasse per la gola.

Un Can che stava sempre con mi a tola
     E che dormiva nel mio proprio leto,
     À piasso a la mia Stela, al mio Pianeto
     Che fazza sta restante vita sola!

No so come l'intenso mio dolor
     No m'abia fato che ghe mora drio.
     Quanto al pensarlo me se spezza el cuor!

Oh gramo al mondo, misero Mafìo,
     Oh sorte, oh Ciel, che me podeu più tior
     Per cavarve la sè del fato mio?