In occasione della guerra di Cipro

EPUB

MOBI

PDF

RTF

TXT

Qualità del testo: sto testo el xe conpleto, ma el gà ancora da vegner rileto.

Wikipedia logo

Varda anca la vose Asedio de Famagosta su Wikipedia.

Anzolo Inzegneri

In occasione della guerra di Cipro

1571 ca.

Edission original:	Poeti antichi del dialetto veneziano, Volume II: Poesie di Maffeo Veniero arcivescovo di Corfù e di altri, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817
Fonte:	Indice:Poeti antichi del dialetto veneziano 2.djvu

Edission e fonte ▼

[p. 100 modifica]

IN OCCASIONE

DELLA GUERRA DI CIPRO

CONTRO

GLI OTTOMANI

CANZONE AD AMORE

Se ti è vero Signor
     De Cipro, come fio
     De Venere regina descazzà
     Perchè lassistu, Amor,
     5Ch'un nemigo de Dio
     T'abia tolto el to' regno e rovinà?
     Perchè no vastu là
     Con i so' inamorai?
     Lassa star l'altra zente,
     10Menaghe solamente
     Tre o quatro mile grami desperai,
     Che se ti fa cussì
     Ti recuperi Cipro el primo dì.
Meti insieme un'armada,
     15Che quando ti t'inzegni
     Ti sa' pur fabricar nave e galle!
     Senz'altra lanza o spada

[p. 101 modifica]

     Un solo dei to' legni
     È bon da conquistar sete Turchie.
     20Co le man e coi pie
     Te vegnirà a agiutar
     Fin i poveri pessi;
     Che ti pol sora essi,
     Sora le Ninfe e sora 'l Dio del mar;
     25Quantunque za deboto
     Sultan Selim t'à fato cagar soto.
Se to' Mare è nassua
     In mar (co' se rasona),
     Ti no pol dubitar de cosa alcuna.
     30Se ben l'è descazua,
     La sarà almanco bona
     De farte navegar senza fortuna;
     E po' el Sol e la Luna
     Con tuti i elementi
     35Te torà a favorir;
     Ch'i te sol obedir,
     E a ti obedisse tuti quanti i venti;
     Che co l'Amor i toca
     No i xe boni più d'avrir la boca.
40Forsi che ti à fadiga,
     Per andar ben armà,
     De butar tut'el mondo soto sora?
     Eh se sa senza che 'l diga
     Che un solo inamorà
     45Tira in qua in là do mile frezze a l'ora.

[p. 102 modifica]

     L'artiglierìa laora
     Con spessissimi tiri;
     El tirar el fià in suso
     Serve per archibuso,
     50E xe tante bombarde i so' sospiri,
     L'à po' la corda e 'l fogo
     Che dura sempre e ch'arde in ogni logo.
Resolvite, de grazia,
     Resolvite in t'un trato,
     55E va de longo alegramente via;
     Ma, fame un' altra grazia,
     Che sia tra nu sto pato:
     Se ti pii Famagosta e Nicosìa
     Dàle a la Signorìa¹
     60Con tut'el so paese,
     Omeni, done e 'l resto.
     Tuti (come xe onesto)
     Sarà po' toi; ti ghe farà la spese,
     Che chi a l'Amor intorno
     65Vive d'Amor con do' marcheti al zorno.
Chi sa, Canzon, ch'Amor no sia d'acordo
     Co 'l Turco, che se vede
     Ch'i è cani tuti do' privi de fede.

Note

↑ Alla Repubblica di Venezia.

[1] Alla Repubblica di Venezia.

1