In piassa de le Erbe
|
Edission original: |
Vittorio Vitturi, Strade e vicoli, Rime veronesi, Verona, Fratelli Drucker editori, 1907 |
|
Fonte: |
| ← Che protetor! | Edission e fonte ▼ | Quel da le paste → |
IN PIASSA DE LE ERBE
Che belessa! guardè quei ombreloni
Che i sponta su da tera, in meso a i banchi,
Come che i fusse de i gran fonghi bianchi
Da far vegnèr la voia a sti magnoni!
Quanta alegria che i mete quei cestoni
Pieni de tuto, par ci gà de i franchi!
E quele frutarole — ardè che fianchi —
Le vende l’erba par magnar caponi.
E i palassi, e la Tor, rente a la Costa,
La fontana, el Leon de i venessiani,..
Oh, no gh’è la più bela a farla a posta!
Se po’ g’avì de l’arte e del talento
Gh'è quatro çimisare1 a sete piani,
Che a dito del Dal’Oca i è un portento!
- Note