In tel so zendaleto stropà su
|
Edission original: |
Collezione delle migliori opere scritte in dialetto veneziano, Volume quarto: Poesie di Gio. Giacomo Mazzolà e di Lodovico Pastò, a cura de Bartolommeo Gamba, Venezia, al negozio di libri all'Apollo, dalla Tipografia di Alvisopoli, 1817 |
|
Fonte: |
Indice:Collezione delle migliori opere scritte in dialetto veneziano 4.djvu |
| ← XCVI | Edission e fonte ▼ | XCVIII → |
In tel so zendaleto stropà su,
Per goder megio la so libertà,
A Nina un zorno in testa gh'è vegnù
4De spassizar co mi per la Cità.
Tuti che caminava drio de nu,
E i ghe vedea anca fora del zendà
De Coa vanzarghe un brazzo e mezo e più,
8I restava, per dia, morti, incantà.
Chi disea: La gran Coa, che quela xe!
Varda co' bionda! chi diseva; e chi:
11Quela sì xe una Coa degna de re!
Mi che sentìa da tuti a dir cussì,
Se 'l cuor se me sgionfava in sen, pensè!
14Oh gera per andar fora de mi!