Intermezzo di Cassandro cavallier affettato e di Betta ragazza veneziana/Intermezzo II
|
XVIII secolo
|
|
Edission original: |
Anonimo, Intermezzo di Cassandro cavallier affettato e di Betta ragazza veneziana, In Venezia, Negri Stampator |
|
Fonte: |
Indice:Intermezzo di Cassandro cavalier affettato e di Betta ragazza veneziana.pdf |
| ← Intermezzo I | Edission e fonte ▼ |
Cas. Giacchè Betta ostinata
Dice che un Barcariol vuol per Marito,
M'ho così travestito
Per ritentar con le mentite spogiie,
D'ingannar la furbetti, e averla in Moglie,
Sangue dei miei grand'Avi,
Che nelle vene mie scorri glorìoso
Perdona il grande oltraggio
Sento il cor mi dice
Per cagione sì bella il tutto lice.
Mentirò la pronuncia
Già per long'uso a favellare appresi
Nella Veneta frase arguta, e pronta,
Ecco Betta gentil, ecco il mio bene
Vi vuol coraggio, e simular conviene.
Bet. Se suol dir per proverbio
Per trista che la sia
Non avvanza mai carne in beccaria,
Non so po tanto brutta,
Ne tanto malagrazia
Pur vedo tante Putte a tior Mario,
E mi vegno vecchietta, e resto indrio,
Cas. Patrona sala. Ma de cuor. La diga
Se puol dir do parole? Ah muso bello.
Bet. (Questo xe sior Cassandro in verità
Che me voi cavar spasso.)
Cas. Cos`è no la risponde?
Gnanca un buon dì gramasso? Finalmente
Son galant'omo, e so trattar con putte.
Bet: Le putte da par mio
Bagolo non vuol dar a certa zente
Son poveretta, sì ma son prudente.
Cas. Mo via, se la xe bella
Che la buta anca bona
Non la fassa el muson cara Parona.
Bet. Oh m'avè tolto in fallo
Non so miga de quelle
(Se m'intende) de certe calleselle.
Cas. Che cade? Se sà ben chi e siora Betta
El sa ben sto mio cuor ch'è spasemao
Per quel visetto bello inzuccherao.
Bet. Donca me volè ben.
Cas. Sangue de diana
Mi no magno, no bevo, e sina quando
Sul trasto stravaccà dormo un tantin,
Anca in insonio vedo
Quel viso benedio,
Bet. Mi no ve credo.
Cas. Siora betta, sentì, se mi ve burlo,
Prego el Ciel, che de notte
El remo se me rompa, e che alla barca
Se ge molla le stoppe.
E che possa cascar zoso de pope
E perchè el vostro cuor
De mi ziva seguro
Sentì, Betta ben mio quel che ve zuro.
Se no è vero quel che digo
Prego el Ciel col caligo
De trovarme in la Laguna,
E per mia mazzor fortuna
Dar il secco sul palmo
Prego el Ciel, che quando chiamo
Premi stali voga o sia,
Una barca vegna via,
Che me daga in ti costrai,
E che mai
Mi no gabbia da muarme
La camisa quando suo.
Bet. Orsù voggio anca mi
Per renderve contento
Far in vostra presenza un zuramento.
Prego el Ciel che vegna
Tutto el mal che vegnir puole a una puta
Se ghe penso de vù poco, ne troppo,
E se a vù se voltasse el genio mio
Prego el Ciel de morir senza Mario.
Cas. Mo via, cosa voi fatto? In sta maniera
Trattè chi ve vol ben.
Bet. Eh no me degno
D'un oomo grossolan. Cossa credeu?
Che un Barcariol abbia d'aver sto tocco
De carne versellada? Via caveve
Sier paroncin, e andeve...
Cas. Diseme chi voressi.
Bet. Chi vorave?
Siben son poveretta
Fia d'un Pare ordinario, e senza dota
M'ho cassà nella testa un de sti dì.
De voler un Lustrissimo anca mi.
Cas. (Bettina s'è cangiata
Buon per mè
Il mio parlar la persuasa affe.
Bet. Son andada una festa
Dove o visto la fià de donna catte
Col mantò pontå sù,
Ma ve dirò più,
Una sorella della lavandera
Co l'andriè colla scuffia, e prigioniera
Onde anca mi per non parer de manco
Voi trovarme un mario con spada al fianco
Che bella cosa
Sentir a dir
Lustissima
Lustrissima
La poss'io servir?
Andar con la coa
De note, e de dì.
Da tutte le bande
Aver riverenze
De conti e marchesi
E grand'Eccelenze
Che sempre ve diga
Lustrissima sì.
Cas. Orsù, xa che no posso
Esser vostro Mario
Voi proponerve almeno un buon partio.
Bet. Disè sù, che v'ascolto.
Cas. Un certo Sior Cassandro
Zentiluomo de sangue rico, e bello
Saria gusto per vù.
Bet. L'è appunto quello
Che saria de mio genio, ma o paura
Che no ghe sia più caso.
Cas. Mo perchè?
Aveù forse trattà de sto Negozio?
Bet. Seguro, e mi da stramba
Lo sprezzà senza sesto, e lu sarà
Con rason desgustà.
Cas. Se ancora el volesse
Ghe daressi la man de so muggier.
Bet. Che darave la man, el cuor e 'l resto.
Cas. Ecco il vostro Cassandro pronto è lesto
Pria che finisca il giorno
Date dunque la man...
Bet. Voi darve un corno
Così dunque se burla
Le putte in sta maniera? Andè in mallora
E no so chi me tegna
Che no ve sgraffa el muso come un Gatto
Via caveve da quà: sior mandolato.
Cas. Ah perfida, ha bugiarda,
Cire, medea, medusa, furia, e sfinge.
Del Tricerbero can mostro più fiero
Ministra vil di demonial impero
Tu beffarmi così, così beffarmi.
Giuro al ciel, giuro a me di vendicarmi
Bet. Tolè sto canelao
Sor fio, che no ve digo el vostro nome
Da quà avanti impare.
A lassar star le Putte Veneziane
Perchè (se nol savè)
Le ve menerà tutte per il naso.
Cas. Oh successo inaudito? Oh strano caso
Perfida donna
Senza pietà.
Bet. Povero mato
Ne fe peccà.
Cas. Ancor mi burli?
Bet. Cos'è sti urli?
Seu spirità.
Cas. Senza pietà.
Per la gran bile
Gia mi vien mal
Bet. Staressi meglio all'ospedal.
Cas. Furie d'averno.
Bet. Mostro d'inferno.
Cas. Venite quà.
Bet. Andè vù là.
Perfida donna ec.