Juto:Come rejistrarse
- Ajuto
Par rejistrarte so Wikisource schicia so'l cołegamento Entra / Rejìstrate che se vede inte'l canton in alto e a destra de ła pajina.
Na volta cargà ła pajina, vien fora na fenestra ndove che se lexe No te ghe gnancora un to profiło? Crèaghene uno sùito. Schicia so'l cołegamento.
Inte ła pajina cargà ghe xe un moduło ndove che se połe inserire i propri dati.
Vedemo da viçin.
I dati da inserire canbia
Prova del nove canbia
Par fermar i spam de rejistrasion automatega, gavemo meso un filtro captcha. Par far vedar che te si na persona umana vera, te ghe da interpretar na paroła scrita in maniera storta inte l'imajine e inserirla inte ła caxeła de controło dijitandoła co ła tastiera.
Chi che ga problemi de vista podarìa catarse in dificoltà co sto test, cusì come cuełi che dopara browser vocałi. No ghe xe alternative pal momento, e se sto test ve crea problemi l'unica solusion xe contatare i aministradori. Se połe anca scrivarghe a info-it@wikimedia.org par domandar asistensa.
Nome utente canbia
Scrivare el proprio nome utente come spiegà inte łe linee guida e inserire ła paroła-ciave segreta che se vołe (bixogna scrivarla do volte pa esar sicuri che ła se salve coretamente). Xe posibiłe anca inserir el proprio indiriso de posta eletronega. Sełesionare Crea novo profiło.
Ricorda che sta cua xe na operasion ireversibiłe; el software de Wikisource no rende posibiłe scancełare i profiłi, ma sarà posibiłe ri-rejistrarse co un nome novo e un novo profiło.
Ricordate ła me password canbia
Se se sełesiona Ricorda ła me password pa łe prosime sesion, no sarà pi necesario inserire ła password łe prosime volte che se se colegarà a Wikisource dal steso conputer. Podarìa no esare consejà doparare sta posibiłità se el conputer in cuestion vien doparà da altra xente: altre persone podarìa intervegnere tramite el vostro profiło sensa che voialtri savesi gnente.
Deso te si rejistrà! canbia
Dopo ła rejistrasion se połe clicare so "preferense" (in alto a destra) par verxare ła pajina de gestion del profiło. Da cuesta xe posibiłe, par exenpio:
- canbiare ła paroła segreta (password)
- canbiare l'indirizo de posta eletronega (email)
- spostare ła bara dei menù co' se xe conesi (se połe lexare el proprio nome in alto)
- gestire i CSS
- canbiare ła vixualixasion de łe ultime modifiche co se xe cołegài.
- canbiare l'ora inte łe ultime modifiche
e tante altre...
Co' se ga portà a termine ła procedura xe posibiłe clicare so'l proprio nome utente e canbiare ła pajina personałe, che se ciama Pajina utente. So Wikisource semo d'acordo che nesuno canbia mai łe paxene personałi de chealtri ma soło ła so Pajina personałe. Cuindi xe inportante anca ricordare che se se vołe scrivarghe a n'altro utente xe necesario doparare ła so pajina Discusion utente:... (tuti cuanti ga ła sua).
Co' cualcuno scrivarà inte ła vostra pajina de discusiòn, aparirà un avertimento cołor naransa co scrito "Ghe xe novi mesaji! in tute łe pajine de wikisource verte. L'avertimento sparirà soło nel momento in cui ghe clicarè sora. Clicando se verxarà la vostra pajina de discusiòn. Xe inportante lexare cueło che te scrive i altri!
Problemi de rejistrasion canbia
De sołito tuto funsiona puìto co' el browser ga i cookies abiłitài. In caxo de problemi, controłare che wikisource.org no sìa inte ła lista dei siti da cui el browser rifiuta i cookies. Controłare che ła data e l'ora del conputer sìe jiuste senò i cookies podarìa aver dificoltà a sincronixarse.