Juto:Qualità de le pagine

Par garantir un serto stàndard de qualità ai testi de Wikisource secondo la procedura proofread, le pagine del namespace Pagina le xe classificà secondo sto percorso de qualità, articolà in sinque livèi:

↗ Sensa testo
pagina ancora da crear	→ Da trascrivar	→ Trascrita	→ Rileta
	↘ Da sistemar ↗

Pagina sensa testo: xe na pagina che no contien testo, o che contien solo testo che no gh'entra gnente con l'opera in sè (timbri o etichete de le biblioteche o del paron del libro, publisità de altri libri de la casa editrice, ex libris).

Pagina da trascrivar: xe na pagina el cui testo no'l xe stà gnancora trascrito coretamente da la scansion a fronte.

Pagina da sistemar: xe na pagina che ga dei problemi particolari, ad esempio la scansion no la se leze ben, opure la contien tabèle o imagini che no se riesse a formatar come se deve.

Pagina trascrita: xe na pagina che xe sta trascrita completamente da un utente, confrontandola con la scansion a fronte.

Pagina rileta: xe na pagina che un utente, difarente da quelo che gà trascrito la pagina, el gà rileto, ricontrolandola con la scansion a fronte e coregendo eventuali erori.