L'Adese calmo

by Giovanni Ceriotto

3 L'Adese calmo Poesie veronesi Un Camilion Sora un ponte, de note Giovanni Ceriotto 1911 XX Soneti veronese

Indice:Poesie veronesi (Giovanni Ceriotto).djvu

Giovanni Ceriotto ―  Poesie veronesi

L'Adese calmo

1911

Edission original:	Giovanni Ceriotto, Poesie veronesi, Seconda edizione accresciuta, Verona, Remigio Cabianca editore, 1911
Fonte:	Indice:Poesie veronesi (Giovanni Ceriotto).djvu

←  Un Camilion

Edission e fonte ▼

Sora un ponte, de note  →

L'Adese calmo

L'Adese calmo

    Quando l'Adese el passa calmo e chieto
de soto a i ponti de Verona mia,
me par che 'l pensa de incantarse via
4par riposarse in gropa al so bel leto,

    portando in riva la malinconia,
smorsando i oci al par d'un puteleto,
par sgnacarghe magari un pisoleto¹
8e sognarse la gente che lo spia.

    Sponsar le so fadighe, e, par incanto,
fermarse lì par ci se va a speciar:
11la rondina scoltar, che col so canto,

    sora sbrissiando² la se va bagnar:
scoltar le rime che 'l poeta intanto,
14de riva in riva el ghe le va a cantar.

---

Note

1. pisoleto: sonnellino
2. sbrisiando: scivolando.